انا هتكلم الأول عن مشكلتى انا مع الوزير, انا طالب فى جامعة النيل, و لهذا السبب هيضيع مستقبلى لييييه؟؟؟
عشان الحكومة مش عايزانا نكمل تعليمنا و مش موافقين إن إحنا نرجع المقر بتاعنا و سيادة الوزير كل سوية بكلمة شكل, شوية يقول إنتوا هتبقوا ضمن مشروع زويل و شوية إنتوا هترجعوا كمان كام يوم و إطمنواو للأسف مافيش حد قادر ياخد قرار. طيب زويل ياخد الجامعة على أساس إيه يعنى؟؟ طيب مانا كمان هسافر أتعلم فى أمريكا و أخود نوبل و أرجع أخود جامعة على الجاهز و أهى سبوبة حلوة الواحد يعيش عليها على فى أخر أيامى.
ماشى يا عم هنعديها.
ماشى يا عم هنعديها.
سيبنا من موضوع جامعة النيل و نخوش على الجامعة الألمانية. أكيد سمعتوا عن موضوعهم و المشاكل و السرقة بتاعت إدارة الجامعة.
راح وفد منهم للوزير عشان الرقابة المالية على الجامعة و عشان يعملوا إتحاد طلبة و لكن الرد كان"و انا مالى بالفلوس ولا بالإتحاد انا كل الليا دعوة هو المناهج, غير كدا ديه مشكلتكم إنتم"
سيبنا بردو من الكلام ده و تعالى على مشكلة طلبة إعلام أكثر من شهرين إعتصام و ضرب و كهربا و الوزير مدافعش عنهم بكلمة إلا بعد شهرين أما إترفد منهم 9 طلاب
عشان كدا انا بطالب بإقالة الوزير
عشان كدا انا بطالب بإقالة الوزير
No comments:
Post a Comment