قالك عملنا ثورة, هى فين الثورة ديه؟؟!!!
بعد 18 يوم إعتصام فى التحرير كلنا تخيلنا إن إحنا عملنا ثورة و الناس إبتدت تحس بالإنتماؤ و الوطنية و إمتلاك البلد. نزل شوية نظفوا الشوارع, و إبتدت فترة إطلاق المبدرات لبناء البلد ظنا منا إن خلاص بقى فى حرية و مافيش قمع تانى ولا الكلام الفاضى الكان بيحصل زمان ده.
بس هوا إحنا فعلا عملنا ثورة؟!
ينفع بعد الثورة يفضل طلبة إعلام معتصمين أربعة و سبعين يوم من غير ما يتم تحقيق مطالبهم؟ لا و كمان يتضربوا و يتكهربوا من الشرطة العسكرية و رئيس الجامعة يسلط عليهم العمال و بلطجية يضربوهم.
و كمان يتحولوا للتحقيق و مجالس تأديب
و هل ينفع بردوا بعد الثورة يتم محاكمة 8000 ناشط محاكمة عسكرية فى 100 يوم بينما يتم محاكمة من قتلوا الشهداء محاكمة مدنية؟؟!!
لا و كمان تم إخلاء سبيل الظباط المتهمين و فيه بعدهم تمت ترقيته!!!!!
و هل ينفع إن حكومة الثورة تمنع الإضرابات و الإعتصمات التى كانت السبب الأسساسى فى النجاح فى خلع مبارك؟؟
و فين العدالة الإجتماعية الطالبنا بيها فى التحرير؟؟
و فين المحاكمة السريعة لرموز الفساد فى النظام السابق؟؟!!
و هل ينفع إن بعد ثورة يتم قتل على ماهر فى التحرير يوم 9 أبريل؟؟!!!
و قالك كنا داخلين نمسك إبراهيم كامل و قالك ده من فلول النظام و ده السبب الخلانا ندخل التحرير بالعنف ده
و من كام يوم أفرجوا, أصلوا طلع مظلوم يا عينى
و يرجع يقولك أصل الجيش بيحمى الثورة
لا و إيه مطلعين قانون للتصالح مع رجال الأعمال الفاسدين
و إحنا إضربنا بنفس الطريقة بتاعت 28 يناير عند السفارة و لا كأننا عملنا ثورة
و مكانش قنابل بس لا ده فى واحد أخد رصاصة فى دماغه و وقع أمامى
عشان كل الأسباب ديه انا هنزل يوم 27 مايو أطالب بمجلس رئاسى مدنى و أطالب بمحاكمة علنية و سريعة لكل الفاسدين و قتلة الشهداء
و بالنسبة للناس العايزة أمان و إستقرار, ده شغل الشرطة اللى المفرود تحمينا مش تضربنا بالغاز
لو هما فعلا بيحمونا, كانوا حموا الكنايس فى إمبابة و الإعتصام فى ماسبيرو مش سايبين كل ده و جايين يضربونا و يعتقلونا عند السفارة
No comments:
Post a Comment