وزير المالية: مصر ستكتفي ذاتياً من القمح خلال 2011 واقتصادنا قوي -http://goo.gl/9DJiP
مفيش حاجة تدعو للتشائم تماما لكن المجلس العسكري بيفسر بيانات اقتصادية علي مزاجه ... ده اقتصاد مبارك مش اقتصاد الثورة
لو مش بتفهم اي حاجة في الاقتصاد و مش عارف تصدق مين ، حط ايدك في جيبك و قارنه بقبل الثورة و قارن حساباتك
انا شخصياُ شايف عدد السياح في ازدياد فشيخ بعد الثورة ، و شايف وجود مبارك مطلوق في شرم خارب الاقتصاد هناك
شايف علي الاقل 22 قناة فضائية مصرية في طريقهم للافتتاح بسبب ثقة المستثمرين في عصر ما بعد مبارك
كمان شايف عدد 2 كافيه راقي بورجوازي عالي الديكو و السعر فتحوا في شارع 26 يوليو في الزمالك مما يدل علي ثقة في بدء بيزنيس جديد
عدم تدفق الاستثمار الاجنبي عمره ما كان بيحصل اساسا من غير فاتورة فساد مدفوعة لمبارك و الشركات الاجنبية العريقة كانت بتقرف من السوق المصري
طول عمرنا عندنا عجز في الميزانية ... اقتصادنا اتفشخ مع تعويم الجنيه المصري اكتر من اي وقت اخر
عد علي صوابعك دولة في العالم مفيهاش عجز ميزانية ؟ تعرفوا ان امريكا مستدينة للصين ؟
علي العكس عمري ما شفت دولة تروج لخراب الاتصاد المزعوم كما فعل المجلس العسكري في اعلام الدولة
صحيح لازم يغور من شرم وجوده مقلق للسياح بجد
هذا الترويج للازمة المزعومة يفقد المستهلك ثقته في الشراء و يفقد المستثمر ثقته في المخاطرة برأس مال في السوق
مما يدل ان النخبة الحاكمة الان عاوزة فعلا تخرب الاقتصاد بايديها
عدم الاستجابة الغير المبررة للاحتجاجات الفئوية هو سبب خراب الاقتصاد و بقاء الثروة في يد قلة تكتنزها ولا تدورها في السوق
و كل اللي بيقول الاحتجاجات الفئوية بتخرب الاقتصاد بيتكلم من غير دليل ...
الثورة كانت بسبب سرقة اموالنا وانهيار اقتصادنا !! رجعوا امولنا وبطلوا سرقتنا وعدلو اجورنا وسيتعدل الاقتصاد كمان تزعمون
و اتحدي وزير المالية يقولي تفاصيل جملته ان الاجتجاجات الفئوية مخسرة البلد مش عارف كام مليار ,,,, بيعرف منين؟ و ازاي؟
في تجهيل متعمد للشعب عشان يحسسوا الناس بالحاجة للمجلس العسكري و لفكرة الدولة اكتر ما هي ... و هي سبب القرف كله
انا مشفتش الهجوم ضد الاحتجاجات الفئوية طالع من الشعب انا شفته طالع من علية القوم و الطبقات الحاكمة في كل القطاعات اللي خايفين علي فسادهم
و الباقي يا اما اقتنع بيهم يا اما بيزيط في الزيطة
No comments:
Post a Comment